:

ਪਠਾਨਕੋਟ ਵਿੱਚ ਗੰਨ ਪੁਆਇੰਟ 'ਤੇ ਮਹਿੰਦਰਾ XUV500 ਦੀ ਲੁੱਟ: ਪੰਜਾਬ ਤੇ ਜੰਮੂ-ਕਸ਼ਮੀਰ ਪੁਲਿਸ ਹਾਈ ਅਲਰਟ 'ਤੇ, ਅੰਤਰਰਾਜੀ ਸਰਹੱਦਾਂ 'ਤੇ ਵਧਾਈ ਸੁਰੱਖਿਆ


ਪਠਾਨਕੋਟ ਵਿੱਚ ਗੰਨ ਪੁਆਇੰਟ 'ਤੇ ਮਹਿੰਦਰਾ XUV500 ਦੀ ਲੁੱਟ: ਪੰਜਾਬ ਤੇ ਜੰਮੂ-ਕਸ਼ਮੀਰ ਪੁਲਿਸ ਹਾਈ ਅਲਰਟ 'ਤੇ, ਅੰਤਰਰਾਜੀ ਸਰਹੱਦਾਂ 'ਤੇ ਵਧਾਈ ਸੁਰੱਖਿਆ


ਪਠਾਨਕੋਟ / ਪੰਜਾਬ

ਪਠਾਨਕੋਟ-ਜੰਮੂ ਨੈਸ਼ਨਲ ਹਾਈਵੇਅ 'ਤੇ ਸਥਿਤ ਪਠਾਨਕੋਟ ਸ਼ਹਿਰ ਦੇ ਡਾਊਨਟਾਊਨ ਇਲਾਕੇ ਵਿੱਚ ਗੰਨ ਪੁਆਇੰਟ 'ਤੇ ਚਿੱਟੇ ਰੰਗ ਦੀ ਮਹਿੰਦਰਾ ਐਕਸ.ਯੂ.ਵੀ. 500 (XUV500) ਲੁੱਟਣ ਦੇ ਮਾਮਲੇ ਵਿੱਚ ਪੁਲਿਸ ਜਾਂਚ ਦੌਰਾਨ ਅਹਿਮ ਖੁਲਾਸੇ ਹੋਏ ਹਨ। ਸ਼ੁਰੂਆਤੀ ਅਲਰਟ ਵਿੱਚ ਡਰਾਈਵਰ ਨੂੰ ਅਗਵਾ ਕਰਨ ਦੀ ਸੂਚਨਾ ਸਾਹਮਣੇ ਆਈ ਸੀ, ਪਰ ਪੁਲਿਸ ਦੀ ਪੜਤਾਲ ਵਿੱਚ ਇਹ ਗੱਲ ਗਲਤ ਨਿਕਲੀ ਹੈ। ਅਸਲ ਵਿੱਚ ਲੁਟੇਰੇ ਨੇ ਡਰਾਈਵਰ ਦੀ ਛਾਤੀ 'ਤੇ ਪਿਸਤੌਲ ਤਾਣ ਕੇ ਉਸ ਨੂੰ ਗੱਡੀ ਤੋਂ ਹੇਠਾਂ ਉਤਾਰ ਦਿੱਤਾ ਅਤੇ ਕਾਰ ਲੈ ਕੇ ਮੌਕੇ ਤੋਂ ਫ਼ਰਾਰ ਹੋ ਗਿਆ।
ਥਾਣਾ ਸੁਜਾਨਪੁਰ ਪੁਲਿਸ ਨੇ ਇਸ ਸਬੰਧੀ ਅਣਪਛਾਤੇ ਮੁਲਜ਼ਮ ਖ਼ਿਲਾਫ਼ ਐਫ.ਆਈ.ਆਰ. ਨੰਬਰ 241 ਦਰਜ ਕਰ ਲਈ ਹੈ। ਸ਼ਿਕਾਇਤਕਰਤਾ ਡਰਾਈਵਰ ਪ੍ਰਵੀਣ ਸਿੰਘ (40) ਵਾਸੀ ਬਮਿਆਲ, ਜੋ ਕਿ ਸਕੂਲ ਬੱਸ ਚਲਾਉਂਦਾ ਹੈ, ਨੇ ਦੱਸਿਆ ਕਿ ਉਹ ਆਪਣੇ ਪੁਰਾਣੇ ਜਾਣਕਾਰ ਸਨੀ ਵਰਮਾ ਦੇ ਪਰਿਵਾਰ ਨੂੰ ਡਾਊਨਟਾਊਨ ਘੁਮਾਉਣ ਲਈ ਲੈ ਕੇ ਆਇਆ ਸੀ, ਜਿੱਥੇ ਪਾਰਕਿੰਗ ਦੌਰਾਨ ਇਹ ਵਾਰਦਾਤ ਵਾਪਰੀ। ਲੁੱਟੀ ਗਈ ਗੱਡੀ ਦਾ ਨੰਬਰ PB-35-AA-9902 ਹੈ। ਡਰਾਈਵਰ ਦੇ ਬਿਆਨਾਂ ਮੁਤਾਬਕ ਮੁਲਜ਼ਮ ਕਾਰ ਲੈ ਕੇ ਮਾਧੋਪੁਰ ਵੱਲ ਭੱਜਿਆ ਸੀ, ਜਦਕਿ ਐਸ.ਐਸ.ਪੀ. ਪਠਾਨਕੋਟ ਨੇ ਕਾਰ ਨੂੰ ਗੁਰਦਾਸਪੁਰ ਦੀ ਦਿਸ਼ਾ ਵੱਲ ਜਾਂਦੇ ਦੇਖੇ ਜਾਣ ਦੀ ਗੱਲ ਕਹੀ ਹੈ।
ਲੁੱਟੀ ਗਈ ਗੱਡੀ ਦੀ ਕਿਸੇ ਸੰਭਾਵਿਤ ਅੱਤਵਾਦੀ ਹਮਲੇ ਵਿੱਚ ਵਰਤੋਂ ਹੋਣ ਦੇ ਖ਼ਦਸ਼ੇ ਕਾਰਨ ਪੰਜਾਬ ਅਤੇ ਜੰਮੂ-ਕਸ਼ਮੀਰ ਪੁਲਿਸ ਪੂਰੀ ਤਰ੍ਹਾਂ ਅਲਰਟ 'ਤੇ ਹੈ। ਪਠਾਨਕੋਟ ਤੋਂ ਜੰਮੂ ਤੱਕ ਨੈਸ਼ਨਲ ਹਾਈਵੇਅ ਅਤੇ ਇੰਟਰ-ਸਟੇਟ ਬਾਰਡਰ 'ਤੇ ਸੁਰੱਖਿਆ ਸਖ਼ਤ ਕਰ ਦਿੱਤੀ ਗਈ ਹੈ। ਸੁਰੱਖਿਆ ਏਜੰਸੀਆਂ ਦੀ ਚਿੰਤਾ ਦਾ ਮੁੱਖ ਕਾਰਨ ਪੰਜਾਬ ਵਿੱਚ ਪਹਿਲਾਂ ਵਾਪਰੀਆਂ ਦੋ ਵੱਡੀਆਂ ਅੱਤਵਾਦੀ ਘਟਨਾਵਾਂ ਹਨ—27 ਜੁਲਾਈ 2015 ਦਾ ਦੀਨਾਨਗਰ ਹਮਲਾ ਅਤੇ 1-2 ਜਨਵਰੀ 2016 ਦਾ ਪਠਾਨਕੋਟ ਏਅਰਬੇਸ ਹਮਲਾ, ਜਿਨ੍ਹਾਂ ਵਿੱਚ ਅੱਤਵਾਦੀਆਂ ਵੱਲੋਂ ਲੁੱਟੀਆਂ ਗਈਆਂ ਗੱਡੀਆਂ ਦੀ ਹੀ ਵਰਤੋਂ ਕੀਤੀ ਗਈ ਸੀ।
---
Punjab and Jammu-Kashmir Police are on high alert after a white Mahindra XUV500 (PB-35-AA-9902) was looted at gunpoint in Pathankot's Downtown area. Security has been tightened along the highway and inter-state borders due to fears of a possible terror attack.

पठानकोट के डाउनटाउन इलाके से गनपॉइंट पर सफेद रंग की महिंद्रा XUV500 (PB-35-AA-9902) लूटने की घटना के बाद पंजाब और जम्मू-कश्मीर पुलिस हाई अलर्ट पर है। आतंकी हमले की आशंका के चलते नेशनल हाईवे और इंटर-स्टेट बॉर्डर पर सुरक्षा बढ़ा दी गई है।

Pathankot Car Loot, Mahindra XUV500 Loot, Punjab Police High Alert, Pathankot Jammu Highway, Sujanpur Police, Pathankot News, Punjab News, Jammu Kashmir Border Security, Samachar Punjab

,पठानकोट कार लूट, पंजाब पुलिस अलर्ट, ਪਠਾਨਕੋਟ ਖਬਰਾਂ, ਪੰਜਾਬ ਪੁਲਿਸ, ਪੰਜਾਬੀ ਖਬਰਾਂ

ਤਾਜ਼ਾ ਖ਼ਬਰਾਂ
Gallery
Tags
Social Media